FIRST халықаралық чемпионатының аймақтық кезеңінде біздің оқушыларымыз бас жүлдеге ие болды!
25-26 қаңтарда Haileybury Astana халықаралық мектебінде, USTEM Foundation қорының қолдауымен және «Астана дарындары» орталығының ұйымдастыруымен FIRST Astana Regional робототехникалық турнирі өтті.
Биылғы турнирдің негізгі тақырыбы – дүниежүзілік экономика үшін маңызды мәселе болып табылатын мұхит түбін зерттеу. Жарысқа 800-ден астам адам, оның ішінде 15 мектептен 103 оқушы қатысты. Олар қазіргі заманның өзекті мәселелерін шешуге қабілетті инновациялық роботтар жасауда бақ сынасты. Жарысқа қатысқан Алпамыс мектебінің командасының құрамында:
10-сынып оқушылары: Жусупов Аманат, Ахметов Даниал, Нарынбай Серикбай, Әли Әкежан, Бахытжан Әмірхан,
9-сынып оқушылары: Сағадат Едіге, Шакиров Никита,
8-сынып оқушысы Батырбек Асадулла болды.
Олар жетекшілері Қыстаубай Жандос Нұрболұлы мен Надирбеков Азилхан Булатовичтің жетекшілігімен аймақтық кезеңде бас жүлдені иеленді.
Жеңімпаздарымыз ғылым, технология, инженерлік саладағы білімдерімен ерекшеленіп қана қоймай, командалық рух пен шығармашылық қабілеттерін көрсете білді.
Осылайша Alpamys school командасы 20-23 ақпан аралығында Алматы қаласында өтетін Almaty Tech Cup чемпионатына жолдама жеңіп алды! Орталық Азияның финалдық чемпионаты Хьюстонда өтетін әлем чемпианатына қатысатын жеңімпаздарды анықтайтын болады.
Оқушыларымыз бен олардың жетекшілерін осынау елеулі жетістіктерімен құттықтай отырып, оларға Орта Азиялық чемпионатта сәттілік тілейміз!
