2018 жылы ашылған мектебіміз қарқынды өсіп, дамып, көркейіп келеді. 2021 жылғы 11 қарашада біз Alpamys school тарихында жаңа тарау ашқан Қабанбай батыр даңғылы бойындағы заманауи ғимаратқа көштік. Сол кезден бастап 11 қараша жыл сайын ерекше жылулықпен, зор мақтанышпен атап өтетін ерекше мерекеге айналды!
4-11 қараша аралығында мектептің туған күніне орай мектепте мерекелік іс-шараларға толы апта өтеді! «Сүйікті мектебімізде» атты фотокөрме арқылы мектеп қоғамдастығының өміріндегі ең қызықты сәттерді тамашалай аласыздар. Бейнеқұттықтауларда мектеп оқушыларының шынайы тілектерімен танысасыздар. Зияткерлік сайыста оқушылар, мұғалімдер және ата-аналар командалары жеңіс жолында күш біріктіреді!
Алпамыс мектебі — біздің өсіп, дамитын, жаңаны үйренетін, дос тауып, бірге армандайтын, жаңалық ашып, шыңдарды бағындыратын алтын ұямыз!
Мектебіміздің 6-шы туған күні бізге жаңа белестерге шабыт беріп, есте қаларлықтай әсерлі өтетініне сенеміз!
