Алпамыс мектебіндегі наурыздың бірінші аптасы көктемнің, жылулық пен қуаныштың мерекесі болды.
Мерекенің жалпы тұжырымдамасына сәйкес мектепте түрлі байқаулар өтті. «Алпамыс аруы мен Алпамыс сұлтаны» дәстүрлі байқауының қатысушылары көрермендерді ерекше таң қалдырды. Оқушылар өздерінің шығармашылық және интеллектуалдық қабілеттерін танытып, өзіне деген сенімділік пен ерекше харизмасын көрсетті.
«Әжелер мен немерелер зерігуді білмейді!» атты байқауда отбасылық дуэттер ұрпақтар арасындағы сабақтастықтың, жанұялық сыйластықтың жүректерді біріктіретін күш екенін дәлелдеді.
Апта бойы бастауыш сыныптарда мерекелік ертеңгіліктер өтіп, балалар аналары мен әжелерін мерекемен құттықтады. Олар ардақты қонақтарға арнап әсерлі өлеңдер оқыды, әсем әндер шырқады, мың бұрала биледі және өз қолдарымен жасаған сыйлықтарын табыс етті.
Мерекелік аптаның соңғы аккорды көрермендерге көптеген жарқын әсер қалдырған салтанатты концерт болды. Сахнада мектептің жас таланттары өнер көрсетіп, ұстаздарына көктемгі көңіл-күй сыйлады. Әрбір концерттік нөмір жүректерді қуаныш пен ризашылыққа толтырды. Мерекелік бағдарламаның сәтті өткені көрермендердің толассыз қол шапалақтауынан байқалды.
