Alpamys School-да біз ізденімпаздықты дамытуға қолдау көрсетеміз, оқушылардың білуге деген қызығушылығын арттыруға, жоғары нәтижеге ұмтылуға ынталандырамыз.

Біздің мақсатымыз – білім беру ғана емес, оқу кеңістігін қызықты және мағыналы тәжірибеге айналатын орын ретінде дамыта отырып, оқуға шабыттандыру.

Alpamys School оқу бағдарламасы Қазақстан Республикасының бастауыш, негізгі орта және жалпы орта білім берудің мемлекеттік жалпыға міндетті стандарттарына негізделген.

Біз оқушылардың қажеттіліктерін толық қанағаттандыру үшін оқу жоспарын үнемі жаңартып, заманауи талаптарға сай бейімдеп отырамыз.

Бағдарламалардың мазмұны оқушылардың функционалдық сауаттылығын дамытуға, негізгі және пәндік құзыреттіліктерді қалыптастыруға бағытталған.

5-9 СЫНЫПТАРДАҒЫ ОҚУ ПӘНДЕРІ

«Тіл және әдебиет» білім беру саласындағы оқу пәндері:
оқыту қазақ тілінде жүргізілетін сыныптар үшін

• «Қазақ тілі»
• «Қазақ әдебиеті»
• «Орыс тілі мен әдебиеті»
• «Шетел тілі»

оқыту орыс тілінде жүргізілетін сыныптар үшін

• «Орыс тілі»
• «Орыс әдебиеті»
• «Қазақ тілі мен әдебиеті»
• «Шетел тілі»

«Математика және информатика» саласындағы оқу пәндері:

• «Математика» (5-6 сыныптар)
• «Алгебра» (7-9 сыныптар)
• «Геометрия» (7-9 сыныптар)
• «Информатика» (5-9 сыныптар)

«Жаратылыстану» білім беру саласындағы оқу пәндері:

• «Жаратылыстану» (5-6 сыныптар)
• «Физика»
• «Химия»
• «Биология»
• «География» (7-9сыныптар).

«Адам және қоғам» білім беру саласындағы оқу пәндері:

• «Қазақстан тарихы»
• «Дүниежүзі тарихы» (5-9 сыныптар)
• «Құқық негіздері»(9 сынып)

Технология және өнер» білім беру саласындағы оқу пәндері:

• «Музыка»(5-6 сыныптар)
• «Көркем еңбек»(5-9 сыныптар)

«Дене шынықтыру» білім беру саласындағы оқу пәні:

• «Дене шынықтыру» (5-9 сыныптар)

Апта сайын 5-9 сыныптарда сынып сағаты өткізіледі. Сынып сағаты кәсіптік бағдар беру, оқу пәндері мен курстарды таңдау, оқу іс-әрекетінде құрдастарымен, оқытушылармен қарым-қатынас жасау барысында туындайтын мәселелерді шешу, жалпы адамзаттық құндылықтарды дарытуға бағытталған топтық және жеке сабақтарды қамтиды.

АПТАЛЫҚ ОҚУ ЖҮКТЕМЕСІНІҢ ЕҢ ЖОҒАРЫ КӨЛЕМІ:

• 5-сынып – 30,5 сағат
• 6-сынып – 30,5 сағат
• 7-сынып – 33,5 сағат
• 8-сынып – 34,5 сағат
• 9-сынып –36 сағат

ҚОСЫМША КУРСТАР — МЕКТЕП КОМПОНЕНТІ

• 5-9 сыныптар – Математика; 5-6 сыныптар: English -1;
• 5-9 сыныптар. қосымша English -1; шетелдік ұстазбен Speaking -1;
• 5-8 сыныптар – Робототехника-1, 5-6 сыныптар — домбыра-0,5

ҚЫТАЙ ТІЛІ ЕКІНШІ ШЕТЕЛ ТІЛІ РЕТІНДЕ

Alpamys School мектебінде 5-9 сынып оқушыларына екінші шетел тілі ретінде қытай тілін үйренуге мүмкіндік беріледі.

Сабақтар аптасына 1 сағат өткізіледі.

Қытай тілін меңгеру бағдарламасы оқушылардың көрнекі есте сақтау қабілетін, ерікті зейінін және шығармашылық қабілетін дамытуға ықпал ететін иероглифтік жазуды үйренуден басталады.

ОҚУ ПРОЦЕСІН ҰЙЫМДАСТЫРУ ҰСТАНЫМДАРЫ

Alpamys School мектебінің 5-9 сыныптарында негізгі орта білім берудің мазмұны оқу нәтижелеріне бағдарланады, біз терең және мағыналы оқыту әдістерін қамтитын Академиялық саясатты ұстанамыз.

Проблемаға негізделген оқыту:

• Сыни ойлауға және шығармашылыққа ынталандыратын, нақты өзекті проблема төңірегінде құрылған сабақтарды ұйымдастыру.

Ынтымақтастық және командалық жұмыс:

• Топтық жұмыс, топтық жобалар және тапсырмалар.
• Мәселені бірлесіп шешу және оқу материалын талқылау арқылы коммуникативтік дағдыларды дамыту.

Практикалық сабақтар:

• Зертханалық жұмыстар, эксперименттер және практикалық тәжірибенің түрлері.
• Теориялық білімді практикада қолдану дағдыларын дамыту.

Жобалық жұмыс:

• Зерттеуді, шығармашылықты және проблеманы шешуді қажет ететін жобаларды ұйымдастыру.

Оқытудың интерактивті әдістері:

• Пікір алмасуға ынталандыру және сыни ойлауды дамыту үшін пікірталастарды, топтық тапсырмаларды және дебат әдісін пайдалану.
• Оқушылардың оқу материалымен жүргізетін жұмысын жақсарту үшін интерактивті тақталарды, компьютерлік бағдарламаларды және онлайн ресурстарды пайдалану.
• Виртуалды оқыту және білім алмасу үшін веб-конференциялар мен онлайн платформаларды пайдалану.

Дифференциалды оқыту:

• Оқушылардың жеке қажеттіліктері мен оқу қарқынын есепке алу.
• Ерекше қолдауды қажет ететін оқушыларға қосымша сабақтар өткізу, қосымша оқу материалдарын ұсыну.

ОҚУ КҮНІНІҢ КЕСТЕСІ

БІЛІМ АЛУШЫЛАРДЫҢ ОҚУ ЖЕТІСТІКТЕРІН АҒЫМДАҒЫ БАҒАЛАУ

Формативті бағалау

Формативті бағалау (ФБ) білім алушылардың ағымдағы білімді меңгеру және дағдыларының қалыптасу деңгейін анықтайды, білім алушыларға жаңа материалды зерделеу кезеңінде тапсырмаларды қаншалықты дұрыс орындайтынын және оқу мақсаттарына қол жеткізетінін түсінуге мүмкіндік береді. ФБ жазбаша немесе ауызша жүзеге асырылады.

Жиынтық бағалау

Жиынтық бағалау (ЖБ) – оқу бағдарламасының бөлімдерін зерделеу
аяқталғаннан кейін және оқу тоқсанының соңында білім алушылардың білімді меңгеру деңгейін және дағдыларының қалыптасуын айқындайтын бағалау.
5-9 сынып оқушыларына формативті бағалау, бөлімге/өтпелі тақырыпқа жиынтық бағалау (БЖБ) және тоқсанға жиынтық бағалау (бұдан әрі – ТЖБ) нәтижелері бойынша балл қойылады, олар тоқсанға оқу жетістіктерін бағалау кезінде ескеріледі.

Тілдік пәндер бойынша жиынтық бағалау (ЖБ)

• Айтылым
• Тыңдалым
• Оқылым
• Жазылым

сияқты тілдік дағдылар бойынша жүргізіледі.
Тыңдалым (тыңдау) және айтылым дағдыларын бағалау жиынтық бағалауды өткізу жоспарланған апта ішінде сабақтарда жүргізіледі.
Ағымдағы оқу жылындағы білім алушылардың жазбаша жиынтық жұмыстары мектепте осы оқу жылының соңына дейін сақталады.

Тоқсандық баға формативті бағалау, БЖБ және ТЖБ нәтижелері негізінде 25%, 25% және 50% пайыздық арақатынаста қойылады.
5-9 сынып оқушыларына оқу пәндері бойынша жылдық баға ең жақын бүтінге дөңгелектей отырып, тоқсандық бағалар сомасының орташа арифметикалық мәні ретінде қойылады және қорытынды баға болып табылады.
Тоқсандық, жылдық және қорытынды бағаларды қайта қарауға жол берілмейді.

Толығырақ білу

9 -сынып оқушылары үшін қорытынды аттестаттауды өткізу мерзімдері:

1) математика (алгебра) бойынша жазбаша емтихан – 2025 жылғы 29 мамыр;
2) қазақ тілі/орыс тілінде білім беретін мектептер үшін ана тілі (оқыту тілі) бойынша эссе нысанында жазбаша емтихан, – 2025 жылғы 2 маусым;
3) таңдау пәні бойынша жазбаша емтихан (физика, химия, биология, география, геометрия, Қазақстан тарихы, дүниежүзі тарихы, әдебиет (оқыту тілі бойынша), шет тілі (ағылшын/француз/неміс), информатика) – 2025 жылғы 5 маусым;
4) орыс тілінде оқытатын сыныптарда қазақ тілі мен әдебиеті бойынша жазбаша емтихан және қазақ тілінде оқытатын сыныптарда орыс тілі мен әдебиеті бойынша жазбаша емтихан – 2025 жылғы 10 маусым;

11-сынып оқушылары үшін:

1) Қазақстан тарихы бойынша ауызша емтихан – 2025 жылғы 30 мамыр;
2) алгебра және анализ бастамалары бойынша жазбаша емтихан — 2025 жылғы 3 маусым;
3) қазақ тілі/орыс тілі бойынша жазбаша емтихан – 2025 жылғы 6 маусым;
4) таңдау пәні бойынша жазбаша емтихан (физика, химия, биология, география, геометрия, дүниежүзілік тарих, құқық негіздері, әдебиет (оқыту тілі бойынша), шет тілі (ағылшын/француз/неміс), информатика) – 2025 жылғы 12 маусым;
5) орыс тілдерінде оқытатын сыныптарда қазақ тілі мен әдебиетінен және қазақ тілінде оқытатын сыныптарда орыс тілі мен әдебиетінен жазбаша емтихан – 2025 жылғы 13 маусым.

ҮШТІЛДІ БІЛІМ БЕРУДІ ІСКЕ АСЫРУ

Alpamys School оқушыларының  ана тілін жақсы меңгеруіне, мәдени мұрасы мен өз елін мақтан тұтуына баса мән бере отырып, ағылшын тілін үйренуін, өзіне сенімді, үш тілді ұрпақ болуын қалайды.

Alpamys мектебінде Үш тілде білім беруді жүзеге асыру оқушыларды білім беру процесіне барынша тартуға бағытталған оқытудың әртүрлі тәсілдерін қолдану арқылы жүзеге асырылады. Мектеп мұғалімдері тілді меңгеруге ынталандыратын оқу ортасын құруға тырысады.

Ағылшын тілінде жүргізілетін пәндер —

Әрбір оқу пәнінің аясында сабақтың тақырыбына байланысты терминдерді, ұғымдар мен кілт сөздерді игеру бойынша мақсатты жұмыс жүргізіледі.

Бұл тілдік құзыреттілікті қалыптастыруға және үш тілде — [қазақ/орыс/ағылшын] сөздік қорын байытуға көмектеседі, оқу материалын тереңірек және саналы түрде игеруге ықпал етеді.

Оқу процесінде маңызды орын алатын жобалық жұмыс оқушыларға алған білімдерін практикада қолдануға және үш тілде коммуникативті дағдыларды дамытуға мүмкіндік береді. Оқытудың жобалық әдісі өзіндік жұмыс дағдыларын қалыптастыруға, сыни тұрғыдан ойлауға және шығармашылық мәселелерді шешуге ықпал етеді.

Сондай ақ ағылшын тілін тиімді үйрену үшін мектепте сабақтардан тыс түрлі іс шаралар өткізіледі:

Тақырыптық күндер:

• Тілдік орта қалыптастыру үшін мектепте ағылшын тілі күні ұйымдастырылады;
• Ағылшын тілді елдерге, олардың мәдениетіне, дәстүрлері мен мерекелеріне арналған іс-шаралар өткізіледі.

Ойындар мен жарыстар:

• Ағылшын тілін қолдануға ынталандыратын тілдік ойындар мен конкурстарды ұйымдастыру. («Емле биі», «Әңгімелер байқауы», «Ағылшын тілінен викториналар»).
• Сабақтарда ұйымдастырылатын ағылшын тіліндегі ойындар, оқу квесттері, бес минуттық белсенді әрекеттер.

Оқу және талқылау:

• Ағылшын тіліндегі әдебиеттерді оқу және талқылау үшін кітап клубтарын ұйымдастыру. (TEDx, READING CLUB, SPEAKING CLUB және басқалар).

Театр және драма:

• Ағылшын тіліндегі сахналық көріністер, сахналық қойылымдар дайындау және қою.
• Ағылшын тілінің иегерінің қатысуымен театрлық шеберлік сыныптарын ұйымдастыру.

Ана тілі ағылшын тілі болып табылатын адамдармен сөйлесу:

• Ана тілі ағылшын қонақтармен кездесу, сұқбаттар ұйымдастыру.

Мультимедиялық ресурстарды пайдалану:

• Ағылшын тілінде фильм көру және талқылау.
• Тілді оқыту барысында бейнесабақтар мен интерактивті онлайн ресурстарды пайдалану.

KUNDELIK.KZ

Kundelik.kz — бұл ақпараттар жинақталған автоматтандырылған бірыңғай білім беру интернет-порталы.
Порталдан:

• Сабақ кестесі;
• Үй тапсырмасы;
• Оқушылардың рейтингі және үлгерімі;

табуға болады.

Логин мен құпия сөз қолына тиген соң, оқушы, ата-ана мен ұстаз сайттың жоғарғы жағындағы «Кіру» тетігін басып, жұмысын бастай алады. Ұстаздың міндеті – баға қою, үй тапсырмасын жазу. Ата-ананың міндеті – баласының бағаларын қарап, сабақ кестесімен, үй тапсырмасымен танысу. Ал оқушының міндеті – сайттан үй тапсырмасын қарап, оны орындау. Оқушы порталдан тек өзінің бағаларын және үй тапсырмасы мен сабақ кестесін ғана көре алады.

ҚАШЫҚТАН ОҚЫТУДЫ ҰЙЫМДАСТЫРУ

Alpamys School Академиялық саясатында білім беру процесінің үздіксіздігін қамтамасыз ету шарасы ретінде — қашықтықтан оқыту аспектілері қарастырылған:

Қашықтықтан оқыту қолайсыз ауа-райы, табиғи апаттар, соғыс қимылдары, пандемия сияқты төтенше жағдайларға байланысты мектепте сабақ өткізу мүмкін болмайтын кезде қолданылады.

Alpamys School «Қолайсыз ауа райы метеожағдайларында орта білім беру ұйымдарында, сондай-ақ техникалық және кәсіптік білім беру бағдарламаларын іске асыратын білім беру ұйымдарында сабақтарды тоқтату қағидаларын бекіту туралы» Қазақстан Республикасы Білім және ғылым министрінің 2016 жылғы 18 қаңтардағы № 42 бұйрығы негізінде және онлайн оқытуды ұйымдастыру бойынша әдістемелік ұсынымдарға сәйкес әрекет етеді.

Білім алушылардың ата-аналары (заңды өкілдері):

1. сабақтар тоқтатылған күндері баланың мектепке бару немесе бармау туралы шешімді дербес қабылдайды;
2. Сабақтар тоқтатылған күндері білім беру ұйымына баласының баруы туралы шешім қабылдаған жағдайда, мектепке барар және кері қайтар жолында баланың қауіпсіздігін қамтамасыз етеді.

Онлайн сабақтардың ұзақтығы:

• 5-сыныптарда — 25 минуттан көп емес;
• 6-8 сыныптарда — 25 минуттан көп емес;
• 9-сыныптарда — 30 минуттан көп емес.

Қашықтан тиімді оқыту үшін Microsoft Teams онлайн платформасы қолданылады.

Техникалық проблемалар немесе сұрақтар туындаған жағдайда оқушылар мен оқытушыларға техникалық көмек көрсетіледі.

https://t.me/+gKEeCg9-hHQzODE6

Толығырақ білу